AtuartigukNunatsinni Nakorsat Peqatigiiffiata allagaannut ammasumut akissuteqaat
Nassiussisuuvoq: Peqqissutsimut Naalakkersuisoqarfik
Nunatsinni Nakorsat Peqatigiiffiata Peqqinnissamut politikkimut tunngasunut ataatsimiititaliaata allagaanni ammasuni internetsimi inuit attaveqaqatigiittarfiini isornartorsiuineq peqqinnissaqarfimmi sulisut avatangiisiannut ajortumik qanoq sunniuteqarnersoq nassuiaatigineqarpoq.
Allagaq uannut misigititsingaatsiarpoq, isumaqatigilluinnarparalu suliffigisaq suliallu internetsimi inuit attaveqaqatigiittarfiisigut iliuuseqarfigisinnaanngisamik isornartorsiorneqartillugu oqimaaqutsiisinnaatigisoq pakatsinarsinnaatigisorlu.
Inuiaqatigiinni killiligaanani oqaaseqarsinnaatitaaneq annertuvoq. Tamannalu qujarutissaavoq. Napparsimasut qanigisaasullu misigisaminnik internetsimi inuit attaveqaqatigiittarfiini allaaserinninnissaminnik pisinnaatitaaffeqarput. Akerlianillu napparsimaveqarfinni sulisut nipangiussisussaatitaallutik.
Periarfissaq una atorusuppara napparsimaveqarfimmi sulisunut ataqqinnissusera annerpaaq anngukkumallugu, ullulu tamaasa suliarisartagaannik, amerlanertigut erloqinartunik, nersorusullugit.
Nunatsinni Nakorsat Peqatigiiffiata allagaanni ammasumi nassuiaatigineqarpoq napparsimaveqarfimmi sulisut internetsimi inuit attaveqaqatigiittarfiisigut nuanninngitsumik saqqummiunneqarlutik inuttullu malersorneqarlutik misigisut. Periuseq tamanna internetsimi inuit attaveqaqatigiittarfiini periuserineqartoq akuersaarnianngilluinnarpara. Killiligaanani oqaaseqarsinnaatitaassuseqarneq kiffaanngissusermik taassuminnga aqutsinissamik aamma pisussaaffiliivoq.
Internetsimi inuit attaveqaqatigiittarfiini sulisut aqqisigut malersuineq akuersaarneqarsinnaanngilaq. Inuiaqatigiinni kikkut tamaasa assigalugit napparsimaveqarfimmi sulisut internetsimi inuit attaveqaqatigiittarfiisigut malersorneqarnissartik annilaangaginagu suliartorsinnaatitaasussaapput suliassaminnik aallussiartorlutik.
Innuttaasup napparsimaveqarfimmik isornartorsiuinissaminut patsisissaqarluarsinnaavoq. Napparsimaveqarfimmili nakorsartinnermut imaluunniit sullinneqarnermut maalaaruteqarniaraanni, maalaaruteqarnissamut aqqutissat pisortatigoortut malinneqarnissaat kajumissaatigerusuppara.
Taamaasiornikkut maalaarutigisaq maalaarutinik allattorsimaffimmut aatsaat ilanngunneqassaaq. Sullissivik.gl aqqutigalugu maalaaruteqarnissamut aqqutissat atuarneqarsinnaapput.
Napparsimasutut imaluunniit qanigisaasutut paasissutissanik imaluunniit ikiorneqarnissamik pisariaqartitsigaanni napparsimaveqarfiup napparsimasunut paasissutissiisarfia aamma attavigineqarsinnaavoq. Attavissat ammasarfiillu Peqqik.gl -mi nassaarineqarsinnaapput.
Allakkat ammasut malitsigalugit Peqqinnissaqarfimmi qullersat peqatigalugit Nunatsinni Nakorsat Peqatigiiffiani Peqqinnissamut politikkimut tunngasunut ataatsimiititaliaq ataatsimeeqatisererusupparput, tassani internetsimi inuit attaveqaqatigiittarfiisigut isornartorsiuisarnermut tunngatillugu Nakorsat Peqatigiiffiata maluginiagaat eqqartorneqarnissaat, taavalu paasissutissanik eqqunngitsunik paasissutissiisarnerup. paatsoortarnerup aamma innuttaasut peqqinnissaqarfiullu akornanni tatiginninnginnerup pinaveersaartinnissaanut ataatsimut qanoq iliuuseqarsinnaanerluta eqqartorneqarnissaat periarfissaassalluni.
Paasissutissat sukumiinerusut perusukkukkit, Naalakkersuisup allattaa, Birgithe Heinrich attavigineqarsinnaavoq: bihe@nanoq.gl imaluunniit oqarasuaat normumut +299 34 66 17
Allagaq uannut misigititsingaatsiarpoq, isumaqatigilluinnarparalu suliffigisaq suliallu internetsimi inuit attaveqaqatigiittarfiisigut iliuuseqarfigisinnaanngisamik isornartorsiorneqartillugu oqimaaqutsiisinnaatigisoq pakatsinarsinnaatigisorlu.
Inuiaqatigiinni killiligaanani oqaaseqarsinnaatitaaneq annertuvoq. Tamannalu qujarutissaavoq. Napparsimasut qanigisaasullu misigisaminnik internetsimi inuit attaveqaqatigiittarfiini allaaserinninnissaminnik pisinnaatitaaffeqarput. Akerlianillu napparsimaveqarfinni sulisut nipangiussisussaatitaallutik.
Periarfissaq una atorusuppara napparsimaveqarfimmi sulisunut ataqqinnissusera annerpaaq anngukkumallugu, ullulu tamaasa suliarisartagaannik, amerlanertigut erloqinartunik, nersorusullugit.
Nunatsinni Nakorsat Peqatigiiffiata allagaanni ammasumi nassuiaatigineqarpoq napparsimaveqarfimmi sulisut internetsimi inuit attaveqaqatigiittarfiisigut nuanninngitsumik saqqummiunneqarlutik inuttullu malersorneqarlutik misigisut. Periuseq tamanna internetsimi inuit attaveqaqatigiittarfiini periuserineqartoq akuersaarnianngilluinnarpara. Killiligaanani oqaaseqarsinnaatitaassuseqarneq kiffaanngissusermik taassuminnga aqutsinissamik aamma pisussaaffiliivoq.
Internetsimi inuit attaveqaqatigiittarfiini sulisut aqqisigut malersuineq akuersaarneqarsinnaanngilaq. Inuiaqatigiinni kikkut tamaasa assigalugit napparsimaveqarfimmi sulisut internetsimi inuit attaveqaqatigiittarfiisigut malersorneqarnissartik annilaangaginagu suliartorsinnaatitaasussaapput suliassaminnik aallussiartorlutik.
Innuttaasup napparsimaveqarfimmik isornartorsiuinissaminut patsisissaqarluarsinnaavoq. Napparsimaveqarfimmili nakorsartinnermut imaluunniit sullinneqarnermut maalaaruteqarniaraanni, maalaaruteqarnissamut aqqutissat pisortatigoortut malinneqarnissaat kajumissaatigerusuppara.
Taamaasiornikkut maalaarutigisaq maalaarutinik allattorsimaffimmut aatsaat ilanngunneqassaaq. Sullissivik.gl aqqutigalugu maalaaruteqarnissamut aqqutissat atuarneqarsinnaapput.
Napparsimasutut imaluunniit qanigisaasutut paasissutissanik imaluunniit ikiorneqarnissamik pisariaqartitsigaanni napparsimaveqarfiup napparsimasunut paasissutissiisarfia aamma attavigineqarsinnaavoq. Attavissat ammasarfiillu Peqqik.gl -mi nassaarineqarsinnaapput.
Allakkat ammasut malitsigalugit Peqqinnissaqarfimmi qullersat peqatigalugit Nunatsinni Nakorsat Peqatigiiffiani Peqqinnissamut politikkimut tunngasunut ataatsimiititaliaq ataatsimeeqatisererusupparput, tassani internetsimi inuit attaveqaqatigiittarfiisigut isornartorsiuisarnermut tunngatillugu Nakorsat Peqatigiiffiata maluginiagaat eqqartorneqarnissaat, taavalu paasissutissanik eqqunngitsunik paasissutissiisarnerup. paatsoortarnerup aamma innuttaasut peqqinnissaqarfiullu akornanni tatiginninnginnerup pinaveersaartinnissaanut ataatsimut qanoq iliuuseqarsinnaanerluta eqqartorneqarnissaat periarfissaassalluni.
Paasissutissat sukumiinerusut perusukkukkit, Naalakkersuisup allattaa, Birgithe Heinrich attavigineqarsinnaavoq: bihe@nanoq.gl imaluunniit oqarasuaat normumut +299 34 66 17