AtuartigukIsumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfik
Allaffissorneq, Aningaasaqarneq Misissueqqissaarnerillu
Isumaginninnermut Suliffeqarnermullu Naalaakkersuisoqarfimmi Allaffissornermik immikkoortortaqarfiup isumagisarai allaffissornikkut, inatsisitigut aningaasaqarnikkullu suliassaqarfiit akimorlugit naalakkersuisoqarfik ataatsimut isigalugu ingerlatsinermut tapersersuinermullu tunngasut, ilanngullugit ilaatigut inatsisiliornermut, aningaasanut inatsit, missinersuutit, naatsorsuutit, pisiniarneq, HR, malittarisassanik eqquutsitsineq, nutserisoqarneq, ilinniartut, il.il.
-
Suliassaqarfiit
Allaffissornermut inatsisinullu tunngatillugu ataatsimiittoqarnerani inatsisiliornermi ataqatigiissaarineq, Innersuussinermut nalunaarsukkat Inatsisiliornerlu aqullugit, suliassat Naalakkersuisunut Inatsisartunullu tunniunneqarnissaat pillugit ingerlatseriaatsinik suliaqarneq, ilanngullugit tunniussassat nutserneqarneri pitsaassusaallu qulakkeerlugit. Aamma immikkoortortaqarfiit allat inatsisilornermi tapersersorlugit, maannakkut suliffeqarnermut immikkoortortaqarfik, naalakkersuisoqarfillu tamakkerlugu inatsisilerinermik allaffissornermillu suliassat assigiinngitsut ilanngullugit.
Aningaasaqarnermut tunngatillugu aqutsisunut aningaasaqarnikkut misissueqqissaarnerit, naatsorsuutit eqqarsaatigalugit ataatsimoortumik tunniussineq, naatsorsuusiorneq, qaammatikkaartumik missingersuutinik malitseqartitsineq ukiumullu tullermut aningaasaqarnermut inatsit pillugu missingersuusiorneq.
Nutserinermut tunngatillugu nutsigassat, pitsaassusaannik qulakkeerineq avataaniillu nutserisunik atuisoqartillugu ataqatigiissaarineq. Maannakkut naalakkersuisoqarfik marlunnik ilinniartoqarpoq, taakkununngalu atuagarsornermi sungiusarnermilu pilersaarutinik suliaqartoqarluni.