AtuartigukPiniarnermut allagartaq kingusinnerpaamik apriilip 30-iat 2024 akilerneqassaaq
Nassiussisuuvoq: Aalisarnermut Piniarnermullu Naalakkersuisoqarfik
Tuttunniarnissamut aamma umimmanniarnissamut akuersissutinik qinnuteqassagaanni taava piniarnermut allagartaq akilerneqartariaqarpoq. Piniarsinnaanermut allagartat pillugit nalunaarutit naapertorlugit sunngiffimmi imaluunniit inuussutissarsiutigalugu piniarsinnaanermut allagartallit ukiumi pineqartumi kingusinnerpaamik oktobarip ulluisa 15-iat pisatik nalunaarutiginissaat pisussaaffigaat.
Ukioq manna 2024-mi aasakkut ukiakkullu tuttunniarnissamut umimmanniarnissamullu akuersissutinik qinnuteqarniaraanni piniarnermut allagartaq kingusinnerpaamik apriilip 30-anni 2024-mi akilereerneqarsimassaaq.
Tamanna inuussutissarsiutigalugu piniartunut aamma sunngiffimmi pinialuttartunut atuuppoq. Piniarnermut allagartaq kingusinnerpaamik marlunngornermi apriilip 30-anni 2024-mi akilerneqarsimanngippat 2024-mi tuttunniarnissamut umimmanniarnissamullu akuersissutinik qinnuteqartoqarsinnaassanngilaq.
Aalisarnermut Piniarnermullu Naalakkersuisoqarfiup ukioq manna innuttaasunut 2.462-inut suli piniarnermut allagartamik akiliisimanngitsunut imaluunniit 2023-imi piniarnermut allagartaqarsimasunut sulili piniarnermut allagartamik qinnuteqarsimanngitsunut sms-inik nassiussinikuuvoq.
Ukiuni marlunni najugaqarsimasuunissaq
Piniakkanut killilersukkanut, soorlu tuttunniarnissamut umimmanniarnissamullu akuersissutinik, qinnuteqartoqartillugu ulloq qinnuteqarfiusoq sioqqullugu ukiuni kingullerni qulini sivikinnerpaamik ukiuni marlunni ataannartumik nunatsinni najugaqarsimasuunissaq piumasaqaataavoq. Tamanna sunngiffimmi pinialuttartunut taamaallaat atuuppoq.
Piniarnermut allagartamik qinnuteqarniaraanni tamanna kommunit kiffartuussiviini imaluunniit imminut sullinnikkut www.sullissivik.gl aqqutigalugu pisinnaavoq. Piniarnermut allagartamik akiliineq MitID atorlugu www.sullissivik.gl aqqutigalugu imaluunniit allakkerivinni pisinnaavoq.
Piniarnermut allagartaq 250 kr.-eqarpoq.
Sukumiinerusumik paasisaqarusukkaanni Aalisarnermut Piniarnermullu Naalakkersuisoqarfimmi immikkoortortaqarfimmi pisortaq Amalie A. Jessen attavigiuk, oqarasuaat 34 53 04, e-mail: amalie@nanoq.gl
Ukioq manna 2024-mi aasakkut ukiakkullu tuttunniarnissamut umimmanniarnissamullu akuersissutinik qinnuteqarniaraanni piniarnermut allagartaq kingusinnerpaamik apriilip 30-anni 2024-mi akilereerneqarsimassaaq.
Tamanna inuussutissarsiutigalugu piniartunut aamma sunngiffimmi pinialuttartunut atuuppoq. Piniarnermut allagartaq kingusinnerpaamik marlunngornermi apriilip 30-anni 2024-mi akilerneqarsimanngippat 2024-mi tuttunniarnissamut umimmanniarnissamullu akuersissutinik qinnuteqartoqarsinnaassanngilaq.
Aalisarnermut Piniarnermullu Naalakkersuisoqarfiup ukioq manna innuttaasunut 2.462-inut suli piniarnermut allagartamik akiliisimanngitsunut imaluunniit 2023-imi piniarnermut allagartaqarsimasunut sulili piniarnermut allagartamik qinnuteqarsimanngitsunut sms-inik nassiussinikuuvoq.
Ukiuni marlunni najugaqarsimasuunissaq
Piniakkanut killilersukkanut, soorlu tuttunniarnissamut umimmanniarnissamullu akuersissutinik, qinnuteqartoqartillugu ulloq qinnuteqarfiusoq sioqqullugu ukiuni kingullerni qulini sivikinnerpaamik ukiuni marlunni ataannartumik nunatsinni najugaqarsimasuunissaq piumasaqaataavoq. Tamanna sunngiffimmi pinialuttartunut taamaallaat atuuppoq.
Piniarnermut allagartamik qinnuteqarniaraanni tamanna kommunit kiffartuussiviini imaluunniit imminut sullinnikkut www.sullissivik.gl aqqutigalugu pisinnaavoq. Piniarnermut allagartamik akiliineq MitID atorlugu www.sullissivik.gl aqqutigalugu imaluunniit allakkerivinni pisinnaavoq.
Piniarnermut allagartaq 250 kr.-eqarpoq.
Sukumiinerusumik paasisaqarusukkaanni Aalisarnermut Piniarnermullu Naalakkersuisoqarfimmi immikkoortortaqarfimmi pisortaq Amalie A. Jessen attavigiuk, oqarasuaat 34 53 04, e-mail: amalie@nanoq.gl