AtuartigukArfininngorpat aasaanerani nalunaaqutamut ikaarsaassaagut
Nassiussisuuvoq: Naalakkersuisut Siulittaasuata Naalakkersuisoqarfia
Maanna arfininngorpat, ulloq 30. marts 2024 nal. 23:00, Kalaallit Nunaat aasaanerani nalunaaqutamut ikaarsaassaaq, tassani nalunaaqutaq nalunaaquttap akunneranik ataatsimik siuartissallutigu.
Aasaanerani nalunaaqutamut ikaarsaarutta taamaalilluni, nalunaaqutaq arfininngornerup unnukkuani nal. 23:00-miit, sapaatip ullaanngoriartulerneranut nal. 00:00-mut allanngussaaq.
Ukioq manna aasaanerani nalunaaquttap immikkuullarissutigaa, Ittoqqortoormiit, Kalaallit Nunaanni nalunaaquttap ingiaqatigiiffianut nalinginnaasumut ilaalerluni, nalunaaquttap ingiaqatigiiffianit nammineq malitaminiit nuuttussaanera.
Taamaattumik ukioq manna Ittoqqortoormiini nalunaaqutaq aasaanerani nalunaaquttamut nuutinneqartussaanngilaq.
Aasaanerani nalunaaqutaq oktobarip qaammataani sapaammut kingullermut, ulloq 27. oktober 2024-mut, sivisussuseqassaaq. Tassani sapaammi ulloq 27. oktober 2024 nal. 00:00 nalunaaquttamut nalinginnaasumut uteqqissaagut.
Nalunaaquttamut nalinginnaasumut uteqqinnitsinni nalunaaqutaq nalunaaquttap akunneranik ataatsimik kinguartinneqassaaq. Taamaalilluni nalunaaqutaq sapaammi ullaanngoriartulernerani, ulloq 27. oktober nal. 00:00, arfininngornermi unnukkut ulloq 26. oktober nal. 23:00-mut kinguartinneqassaaq.
Ittoqqortoormiini, Kalaallit Nunaata sinneratuulli, ukioq manna aasaanerani nalunaaqutaq atorunnaarpat, nalunaaqutaq nalunaaquttap akunneranik ataatsimik kinguartinneqassaaq.
Aasaanerani nalunaaqutaq Kalaallit Nunaat tamakkerlugu atorneqarpoq, Ittoqqortoormiit ilanngullugu, kisianni Danmarkshavn aamma Pituffik Space Base, namminneq maleruagassatik malillugit ingerlasut, ilaanatik.
Aamma Nalunaarutit.gl-imi takuuk ”Aasaanerani nalunaaqutaq pillugu Namminersorlutik Oqartussat nalunaarutaat nr. 15, 27. marts 2024-meersoq”.
Naalakkersuisut misissorusuppaat allannguineq qanoq sunniuteqarsimanersoq.
Annertunerusunik apeqqutissaqarnermi attaveqarfigineqassaaq Naalakkersuisut Siulittaasuata Naalakkersuisoqarfiani Inatsisinut immikkoortortaqarfik uani e-mail: nsninatsit@nanoq.gl.
Ukiuni 5-ini aggersuni aasaanerani nalunaaquttamut takussutissiaq
