AtuartigukInuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
Naligiissitaanermut immikkoortortaq
Naligiissitaanermut atatillugu suliassaqarfik suliaqarpoq piviusunngortitsiniarluni naalakkersuinikkut anguniakkanik suiaassutsit akornanni naligiissitaalernissamik.
Ileqqutoqaasimavoq naligiissitaanermik sorsuutigisaqarnerup arnat sorsunnerigaat taasisinnaanngorniarlutik, naartuersissinnaanngorumallutik il.il.. Ullumikkut naligiissitaaneq annertunerujussuarmik ataatsimut peqatigiilluni suliniutaavoq, imaqartoq qularnaariniarnermik naligiinnik periarfissaqarnissamik, kiffaanngissuseqarnissamillu nammineq qanoq ittumik inuuneqarnissami.
Naligiissitaaneq atuuppoq suliaallunilu suliassaqarfiit assigiinngitsut akimorlugit. Taamaattumillu suliassaavoq pingaaruteqartoq inatsisit atuuttut paasisitsiniutiginissaat, aamma politikki tamatumaniittoq siammasissumik inuiaqatigiinnut. Suliniutit aallussisuussapput suliassaqarfinnik naligiinngiffiusunik, suiaassutsimut sammisunik suliniutit piujuaannartitsisumik ineriartortitsinermi ilaasinnaaqqullugit.
Kalaallit Nunaanni naligiissitaanermut ataatsimiititaliaq pilersinneqarpoq 1985-imi, taarserneqarlunilu 1998-imi Kalaallit Nunaanni naligiissitaanermik siunnersuisoqatigiinnit.
Naligiissitaanermut Naalakkersuisoq siulleq 1. marts 2011-imi toqqarneqarpoq.
Ulloq 20. maj Kalaallit Nunaanni naligiissitaanermut ulloritinneqarpoq.
-
Suliassaqarfiit
Naligiissitaanermik suliassaqarfimmi malinnaavigineqarlutillu suliarineqartarput naligiissitaanikkut Nunani Avannarlerni suleqatigiinneq aamma FN-imut nalunaarusiortarneq.
- Sinniisoqarneq Nordisk Ministerråd-imi atorfillit naligiissitaanermut komitéanni, ministerit ataatsimiittarnerinik piareersaasartut aamma nunani avannarlerni ingerlatsiviit akimorlugit suliat.
- Nalunaarusiortarneq FN-imi arnanik assigiinngisitsinerup atorunnaarsinneqarnissaanut komité (nunat tamalaat isumaqatigiissutaat CEDAW)