AtuartigukInuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
Aatsitassanut immikkoortortaqarfik
Aatsitassanut tunngasunik suliassaqarfimmi suliassat nalinginnaasut ilaatigut tassaapput inatsisiliorneq aamma inatsisit qanoq paasineqarnissaannik suliaqartarneq, pisortani allaffissornikkut suliassanik ingerlatsineq, akitsuutinut akileraarutinullu suliassaqarfimmi tunngasut, sillimmasiisarnernut tunngasut, akitsuusinik aaqqissuussisarnerni ilutsit atorneqartussat il.il., inuiaqatigiinnut sammisumik piujuaannartitsineq aatsitassarsiornermi aamma annertoorsuanngorlugit aatsitassanik iluaquteqartarnerni, inuussutissarsiornikkut siuarsaanernik suliassat nalinginnaasut aamma avammut niuernissanut akuersissutit.
Pineqarsimagaangata ingerlatsinerit inatsisit naapertorlugit Naalakkersuisunit akuerineqartussat, inassuteqaasiortoqartarpoq Inuussutissarsiornermut, Niuernermut, Aatsitassanut, Inatsisit Atuutsinneqarnerannut aamma Naligiissitaanermut Naalakkersuisoqarfimmut.
Inatsit tunngavigisarput tassaavoq Aatsitassat pillugit ingerlatallu tamatumunnga pingaarutillit pillugit inatsisartut inatsisaat (aatsitassanut ikummatissanullu inatsit) nr. 7, ulloq 7. december 2009-meersoq. Aatsitassanut ikummatissanullu inatsit uaniippoq.
Illit innuttaasutut kissaateqaruit aatsitassanik annikitsumik piianissamut akuersissuteqarfigineqarnissaannik, imaluunniit ingerlatseqatigiiffittut kissaateqaruit misissueqqaarnissamut, ujarlernissamut imaluunniit aatsitassanik iluaquteqarnissamut akuersissummik qinnuteqarniaruit, taava uagutsinnut qinnuteqassaatit. Taava uagut ataqatigiissaarissaagut immikkoortortaqarfinnut allanut, pisortani suliassartaanik suliaqaqataasussanut. Ileqqoq taanna qularnaarivoq naammassisaqarfiusumik sulianik ingerlatsisarnermik.
Kissaateqaruit akuersissummik qinnuteqarniarlutit, taava quppersakkatsinni uani paasissutissanik arlaqartunik takusaqarsinnaavutit.
Suliassanik suliaqarneq aallartinneqartarpoq, akuersissuteqartarnernut immikkoortortap -Aatsitassanut Aqutsisoqarfimmiittup qinnuteqaatit tigugaangagu. Uagut qularnaartussaavarput illit ingerlatsininni Aatsitassanut inatsimmi piumasaqaatit tamaasa naammassisimassagitit. Pineqarpat ingerlatsinissaq inatsit naapertorlugu Naalakkersuisunit akuerineqartussaq, taava uagut suliaqartarpugut Aatsitassanut Suliffeqarnermullu Naalakkersuisoqarfimmut inassuteqaammik. Taakkua isummernissamut tunngavissiamik taaneqartoq Naalakkersuisunut saqqummiunneqartussaq suliarisarpaat, Naalakkersuisullu akuersissuteqartoqassanersoq pillugu aalajangiisarlutik. Pineqarsimappat ingerlatsinissaq inatsit naapertorlugu uagut aalajangiiffigisinnaasarput, taava aalajangiineq Aatsitassanut Aqutsisoqarfimmi pisarpoq. Aatsitassanut Aqutsisoqarfimmi aalajangiineq Naalakkersuisunut naammagittaalliutigisinnaavaat.
-
Suliassaqarfiit
Akuersissuteqartarnernut immikkoortortaq
Akuersissuteqartarnernut immikkoortortami ingerlaavartumik suliarineqartarput qinnuteqaatit assigiinngitsut, misissueqqaarnernut, ujarlernermut aamma aatsitassanik iluaquteqartarnermut qinnuteqaatit. Aamma suliarisarpagut ilisimatusarnermut atatillugu misissuinissanut akuersissutit.
Pisortani sulianik ingerlatsisartunut allanut suleqatigisatsinnut tusarniaavigineqartartunullu ataqatigiissaarineq isumagisaraarput. Tamatuma saniatigut isumagisaraarput pisortaqarfittut nunanik tamalaanik aatsitassarsiornermi suliassaqarfimmi suleqateqarneq.
Teknikkimut nakkutilliinermullu immikkoortortaq
Teknikkimut aamma nakkutilliinermut immikkoortortami akisussaaffigaagut pisortani suliassat ingerlatseqatigiiffinnut sammisut, akuersissuteqarfigineqarsimasuni aatsitassanik iluaquteqarsinnaanermik. Immikkoortortami pingaarnertut suliaraagut qularnaarisarneq Kalaallit Nunaanni aatsitassanik iluaquteqarnerup isumannaatsumik sillimaniarnikkut peqqinnissamullu tunngasutigut ingerlanneqarnissaa.
Tamatumalu saniatigut immikkoortortaq nakkutilliinermi suliassanik isumaginnittuuvoq aatsitassanik ujarlerluni suliniutini annertunerusuni, kiisalu nakkutilliineq ingerlatseqatigiiffinnut aatsitassanik iluaquteqarnissamut akuersissuteqarfigineqarsimasunut sammisoq.- Nioqqutissiornermik nakkutilliineq aamma nioqqutissiornernut akuersissutit
- Qillerinerni sillimaniarnikkut nakkutilliineq
- Qaarusunni aatsitassarsiorfiusuni annertusaanissanut akuersissutit
- Qaarusunni aatsitassarsiorfinni sillimaniarnikkut aamma peqqissutsimut tunngasutigut nakkutilliineq
- Upalungaarsimanermut pilersaarutinik nakkutilliineq
- Qaartiterutissaasivinnik nakkutilliineq
- Teknikkimut atortulersuutinik akuersissuteqartarneq
- Sulisussanut aaqqissuussaanermullu pilersaarutinik akuersissuteqartarneq
-
Allagaatinik takkunninneq, Isumaqatigiissitsiniarnermut suliassami Greenland Minerals A/S-imit suliakkiissutigineqartumi eqqartuussinermi suliassami allakkiat
Allagaatinik takkunninneq, Isumaqatigiissitsiniarnermut suliassami Greenland Minerals A/S-imit suliakkiissutigineqartumi eqqartuussinermi suliassami allakkiatSaqqummersitaq manna danskisuujuvoq ilaannakortumillu kalaallisoortaqarluni